Wëllkomm beim Dëschtennis Miedernach

OBSTIEG an OFSTIEG

D'Seniorschampionnat ass eriwwer an domat ass et un der Zäit fir d'Bilanz ze zéien. Et war keng einfach Saison, wat een och un de Resultater kann gesinn. Fir eis éischt Equipe geet eng Ära zu Enn, et geet aus der éischter Divisioun erof an déi zweet. Et war einfach net méiglech sech ze halen, bedéngt duerch Personalmangel an och de Faite datt d'Divisiounen ëmmer méi staark ginn.

Duerch de Personalmangel hat och eis zweet Equipe ze kämpfen, d'Jongen hunn awer eng fantastesch Saison gespillt, sech immens entwéckelt an och fir déi eng oder aner Iwwerraschung gesuergt. Si spillen och déi nächst Saison an der drëtter Divisioun.

Eis drëtt Equipe steigt an déi véiert Divisioun. No enger éischter Plaz an der Hironn dominéieren si och an der Réckronn an ginn och hei mat enger éischter Plaz an d'Summerpaus. Déi nächst Saison wäert awer e gutt Stéck méi schwéier ginn, an och e véierten Mann gëtt gebraucht waat vläicht erëm e Personalmangel an der véierter Equipe bedéit.

Eis véiert Equipe huet wéi déi drëtt hir Saison an der fënnefter Divisioun gespillt, an och si hunn an der Hironn dominéiert an goufen Tabellenéischten. An der Réckronn haten si et awer leider e bëssen méi schwéier, dat ënner anerem well heiansdo den drëtten Mann gefeelt huet. Trotzdeem hunn si eng excellent véiert Plaz an der Tabell erreecht.

Alleguer d'Resultater sinn wéi gewinnt um Site vun der Federatioun nozeliesen.

Als nächst um Programm

03.06.2017Keelentournois - Finale 
10.06.2017Generalversammlung 
11.06.2017Marche International de DiekirchInfo

Am Ufank steet den Training

Jiddereen ass bei eis wëllkomm. Einfach bis op den Training kommen a kucken op et engem Spaass mécht. Eng Raquette brauch een am Ufank net matzebréngen, déi gëtt selbstverständlech vum Veräin gestallt bis een weess op een um Dëschtennis och wierklech Loscht huet.

Dëschtennis ass een immens flotten Sport, mir sinn eng ganz lëschteg Equipe an och wat eis Jugend betrëfft sinn mer relativ gutt opgestallt. Et ass eng schéin Geleeënheet fir sech ënner Gläichaltregen ob eng sportlech Aart a Weis ze beweisen, sief et an offiziellen Kompetitiounen oder einfach nëmmen ob engem Trainingsmätch.

Training ass ëmmer Dënschdes an Donneschdes ab 19h00.

Bis hoffentlech geschwënn bei eis um Training.

Eis Equipen an der Saison 2016-2017

Am Championnat spillen mir an dëser Saison mat 4 Seniorsequipen an mat enger Cadetsequipe. Zanter 3 Joer konnten mir och mol rem eng Minimesequipe umellen.  Do dernierft sin waren mir natierlech och an der Coupe „Think“ souwéi am Challenge vertrueden.

SENIORS
Miedernach 1  – 1. Divisioun 1. Bezirk
Miedernach 2 – 3. Divisioun 1. Bezirk
Miedernach 3 – 5. Divisioun (B1) 6. Bezirk5. Divisioun (A2) 2. Bezirk
Miedernach 4 – 5. Divisioun (C1) 6. Bezirk5. Divisioun (B2) 2. Bezirk

CADETS
(T1) 2. Divisioun 1. Bezirk
(T2) 3. Divisioun 1. Bezirk
(T3) 5. Divisioun 1. Bezirk

MINIMES
Miedernach 1  –  5. Divisioun 1. Bezirk

COUPE „THINK“
Qualifikatioun T3Qualifikatioun T4

CHALLENGE DE LA FEDERATION
QL03QR1NQR2N

Däin Uspriechpartner beim Dëschtennis Miedernach

Tom Herschbach
7A rue de Diekirch
L-7661 Medernach
Tel: 621156193 / 837314
Mail: tomh@pt.lu

Bei Froen, Problemer oder soss Ureegungen an Iddien huet eisen Sekretär ëmmer een oppent Ouer. Kontaktéier hien am Beschten per Mail oder iwwert eisen Formular, hien wäert sech dann bei dir mellen soubal hien Zäit fënnt. A ganz dréngenden Fäll  kanns du him och gären uruffen.


De Spillsall vum Dëschtennis Miedernach

Den Dëschtennis Miedernach spillt zu Miedernach an der Sportshaal

Centre sportif
3B Millewee
L-7661 Medernach
Tel: 879433

Mir hun Plaatz fir 8 Dëscher. Normalerweis spillen mir een Weekend mat all eisen Equipen doheem, deen Weekend drop dann mat all den Equipen auswärts.