Tombola vun der 70er/80er Party

1ten Präis: N° 012

2ten Präis: N° 336

3ten Präis: N° 076

4ten Präis: N° 132

D’Gewënner kënnen sech beim Mayer Kenny um Tel : 621 546 260 no 18 Auer bis den 22ten Dezember 2017 mellen.

Den DT Miedernach gratuléiert.

E gudden Start am Challenge

Eis zweet Equipe huet hiren éischten Match am Challenge mat engem 5-2 Succès géint Ëlwen gewonne. De Géigner war zwar um Pabeier liicht méi schwaach klasséiert, jiddereen deen awer mol am Handicap-System (een schwaachen kritt géint een staarken Punkten vir) gespillt huet weess datt dat net ëmmer eppes wëll soen.

An der zweeter Renconter vun dësem Grupp iwwerrennt Kauneref den gläichstaark klasséierten Géigner vun Gilsdref/Veianen. Den 3ten Oktober muss eis Equipe dann géint Kauneref beweisen wat dat Resultat wäert war. Mir drécken d’Daumen.

Den Ufank as gemaach – 1ten Spilldag bei den Seniors

Leschten Samschdeg, den 23ten September, war et den Startschoss an déi nei Saison vum Dëschtennis Championnat, an den Start war fir den Dëschtennis Miedernach net deen Schlechtsten.

Eis éischt zwou Equippen hun missten auswäerts untrieden, allen béid géint den Dëschtennis Fiels-Haler, an allen béid trennen sech mat engem 5-5 Gläichspill. Bei der éischter Equipe ass et an den Matcher hannen net duer gaangen, an och déi zwee Dubbel goufen leider verluer, soss hätt d’Equipe verdéngten 3 Punkten mat heem bruecht. Sou bleift et bei 2 Punkten.

weiderliesen

Dëschtennis-EM zu Lëtzebuerg

Däitschland, de grousse Favorit

Vum 13. bis de 17. September ass d’Dëschtennis Equippen-Europameeschterschaft hei a Lëtzebuerg. 42 Natiounen, 80 Equipen an 320 Spillerinnen a Spiller, d’Equippen-Europameeschterschaften am Dëschtennis d’nächst Woch an der Coque verspriechen qualitative Spëtzesport. Do matten dran déi Lëtzebuerger FLTT Dammen an Hären, déi an der Championsdivisioun keen einfache Stand hunn. Gespillt gëtt vum 13. bis den 17. September op 16 Dëscher an der Arena vun der Coque, déi fir dëst Event speziell amenagéiert gëtt.

weiderliesen ob rtl.lu

Quell: RTL.lu – Sport – Dëschtennis-EM zu Lëtzebuerg: Däitschland, de grousse Favorit

Coupe „Think“ a Challenge

Wéi an den Joren virdrun spillen och an der neier Saison rem 2 vun eisen Equippen an der „Coupe Think“ respektiv am „Challenge de la Fédération„. An der Coupe ass et eis éischt Equipe déi den 10ten Oktober géint d’Equipe vun Feelen muss untrieden. Gespillt gëtt hei em d’Weiderkommen an den drëtten Tour vun der Qualifikatiounsronn, de Géigner wäert am Fall vun enger Victoire d’Equipe vun Gilsdrëf/Veinen sinn.

weiderliesen

Succès zu Biissen

Et ass den Dëschtennis Biissen deen traditionell déi nei Saison mat hirem „Grand Prix de la Vallée de l’Attert“ alaut. Dëst Joer hun si ob hier 51ten Editioun invitéiert an eisen neien Member, den Roger Mayer, war sengen fréieren Coequipieren nach eng Kéier Äddi soen.

weiderliesen

ETTC 2017 – Den ITTF-President am Interview

Den President vun der ITTF, den Thomas Weickert, war déi läscht Woch fir en Aarbechtsbesuch ob Lëtzebuerg komm. Hien huet sech ënnert anerem d’Trainingslager ënnert der Leedung vum China Table Tennis College Europe um INS ugekuckt.

Bei dëser Geleeënheet gouf hien natierlech och iwwert d’Europameeschterschaft zu Lëtzebuerg interviewt. Den ganzen Interview ass um Site vun der Federatioun verëffentlecht, hei den direkten Link ob den Interview am PDF-Format.

Spin vum 10ten August 2017

An engem decke Mount ass hei zu Lëtzebuerg d’Equipen Europameeschterschaft am Dëschtennis. D’Preparatiounen lafen op Héichtouren an d’Supporter kënne sech op een exzellente Plateau vun Spiller a Spillerinnen freeën. Am Spin vun haut kuckt de Jeff Kettenmeyer ënnert anerem wien de Wee op Lëtzebuerg fënnt. © RTL

weiderliesen

Verstärkung fir déi drëtt Equipe

Eis drëtt Equipe ass jo déi läscht Saison an déi 4. Divisioun gestiegen, an dat bréngt dann natierlech mat sech datt an der Equipe een véierten Mann gebraucht gëtt. Anescht wéi an der 5ter Divisioun muss d’Equipe nämlech elo mat engem Spiller méi untrieden.

Mir sinn dofir frou fir den Mayer Roger erëm an eisen Reien dierfen ze begréissen. Déi läscht Joren huet hien nach den Veräin vun Dëschtennis Biissen ënnerstëtzt, huet awer lo rem de Wee bei den DT Miedernach fonnt. Dem Roger en häerzlechen Wëllkomm an ob eng erfollegräich Saison.