Nei Saison, neit Gléck

No der Summerpaus geet et an ronn annerhallwem Mount rem mam Championnat lass. Den Spillplang vun den Senioren gouf och schon vun der Federatioun publizéiert. Den 1ten Spilldag fueren mir alleguer auswäerts, um leschten Spilldag sinn alleguer eis Matcher dofir heiheem. Den detailléierten Plang fannt dir um Internetsite vun der Federatioun.

Mir gesinn eis dann spéitstens den 1ten Spilldag. Bis dohin nach eng schéin Vakanz an (wanns du dohin gees) vill Spaass ob der Europameeschterschaft.

Strof muss sinn

Mat Stolz kann een behaapten datt mir, wat d’Strofen vun der Federatioun betrëfft, net oft derbäi sinn. Um leschten Spilldag vun den Minimes huet et eis awer dunn erwëscht. Um Arbiterbou war vergiess ginn fir eis Equipe een Kapitän anzedroen. Den Kontrollinstanzen bleift sou eppes natierlech net verbuergen. D’Strof vun 1,50€ deet net wéi, passéiert awer sou eppes regelméisseg iwwert déi ganz Saison dann kann dat schon méi eng deier ginn.

weiderliesen

Chinesisch Topspiller trainéieren an der Coque

Léiw Sportsfrënn, wéi Dir sécherlech schonn wësst mëscht déi chinesesch Hären- an Dammenationalequipe hir Preparatioun fir d’WM zu Düsseldorf vum 21.-25. Mee hei zu Lëtzebuerg an der Coque. E Méindeg, 22. Mee maachen mir vun 17h00-18h30 Dieren vun der Arena op, wou Dir den Chinesen kënnt bei engem öffentlechen Training nokucken. Hei hutt Dir déi eemoleg Geleeënheet, all d’Vedetten aus China, aktuell Weltmeeschteren a (Gold-)Médaillengewënner vun Olympesche Spiller an Aktioun ze gesinn.

weiderliesen

FLTT Kongress zu Miedernach

Um leschten Kongress vun der Federatioun zu Fréiseng (organiséiert vum DT Helleng) gouf den DT Miedernach zréckbehale fir am Fréijoer 2018 den nächsten Kongress auszeriichten. D’Organisatioun iwerhëllt jo d’Federatioun, den jeeweilegen Veräin muss natierlech fir d’Opriichten vun Still, Dëscher, a.s.w. suergen.

weiderliesen

National U-21 Meeschterschaft

Dëse Sonndeg, 7ten Mee, waren zu Rued/Syr déi national Meeschterschaften an den Kategorien Cadet, Minimmes an U21. Et ass hei de Marc deen ob eng gutt drëtt Plaz kënnt. Et sief awer gesot datt an dëser Kategorie nëmmen 9! Spiller un den Depart gaangen sinn.

weiderliesen