E gudden Start am Challenge

Eis zweet Equipe huet hiren éischten Match am Challenge mat engem 5-2 Succès géint Ëlwen gewonne. De Géigner war zwar um Pabeier liicht méi schwaach klasséiert, jiddereen deen awer mol am Handicap-System (een schwaachen kritt géint een staarken Punkten vir) gespillt huet weess datt dat net ëmmer eppes wëll soen.

An der zweeter Renconter vun dësem Grupp iwwerrennt Kauneref den gläichstaark klasséierten Géigner vun Gilsdref/Veianen. Den 3ten Oktober muss eis Equipe dann géint Kauneref beweisen wat dat Resultat wäert war. Mir drécken d’Daumen.

Den Ufank as gemaach – 1ten Spilldag bei den Seniors

Leschten Samschdeg, den 23ten September, war et den Startschoss an déi nei Saison vum Dëschtennis Championnat, an den Start war fir den Dëschtennis Miedernach net deen Schlechtsten.

Eis éischt zwou Equippen hun missten auswäerts untrieden, allen béid géint den Dëschtennis Fiels-Haler, an allen béid trennen sech mat engem 5-5 Gläichspill. Bei der éischter Equipe ass et an den Matcher hannen net duer gaangen, an och déi zwee Dubbel goufen leider verluer, soss hätt d’Equipe verdéngten 3 Punkten mat heem bruecht. Sou bleift et bei 2 Punkten.

weiderliesen

Coupe „Think“ a Challenge

Wéi an den Joren virdrun spillen och an der neier Saison rem 2 vun eisen Equippen an der „Coupe Think“ respektiv am „Challenge de la Fédération„. An der Coupe ass et eis éischt Equipe déi den 10ten Oktober géint d’Equipe vun Feelen muss untrieden. Gespillt gëtt hei em d’Weiderkommen an den drëtten Tour vun der Qualifikatiounsronn, de Géigner wäert am Fall vun enger Victoire d’Equipe vun Gilsdrëf/Veinen sinn.

weiderliesen

Nei Saison, neit Gléck

No der Summerpaus geet et an ronn annerhallwem Mount rem mam Championnat lass. Den Spillplang vun den Senioren gouf och schon vun der Federatioun publizéiert. Den 1ten Spilldag fueren mir alleguer auswäerts, um leschten Spilldag sinn alleguer eis Matcher dofir heiheem. Den detailléierten Plang fannt dir um Internetsite vun der Federatioun.

Mir gesinn eis dann spéitstens den 1ten Spilldag. Bis dohin nach eng schéin Vakanz an (wanns du dohin gees) vill Spaass ob der Europameeschterschaft.

Strof muss sinn

Mat Stolz kann een behaapten datt mir, wat d’Strofen vun der Federatioun betrëfft, net oft derbäi sinn. Um leschten Spilldag vun den Minimes huet et eis awer dunn erwëscht. Um Arbiterbou war vergiess ginn fir eis Equipe een Kapitän anzedroen. Den Kontrollinstanzen bleift sou eppes natierlech net verbuergen. D’Strof vun 1,50€ deet net wéi, passéiert awer sou eppes regelméisseg iwwert déi ganz Saison dann kann dat schon méi eng deier ginn.

weiderliesen