Nodeems den leschten Samschdeg, den 4. Mee, den Spilldag ofgesot gouf, goung et endlech dësen Samschdeg, den 11. Mee, mam Jeuneschampionnat lass.

Ugefaangen mat eiser éischter Equipe, déi zu Iechternach gespillt hat. Den éischten Géigner war Gilsdref/Veianen. Mat 2-4 misst sech eis Equipe geschloe ginn.
Duerno verléieren si géint eng staark Lokalequipe. Géint Iechternach setzt et sou eng kloer 0-6 Defaite.
Och den drëtten Match sollt net besser verlafen. Do zeien si mat 1-5 géint Buerglënster den Kierzeren.

Mat dräi Defaiten aus dräi Matcher beleet eis éischt Equipe mat 3 Punkten di 4ten an leschten Plaz.

Dogéint war et fir eis zweet Equipe vill besser gelaf. Si waren bis op Proz gefuer. Den éischten Match géint Buerglënster II gewannen si mat 4-2.
Am zweeten Match konnten si sech nees behaapten. Et gouf eng weider 4-2 Victoire, dës Kéier géint Recken III.
Mat engem Spiller manner war d’Lokalequipe ugetrueden. Si erreechen géint den Préizerdaul II een 3-3 Gläichspill.

Duerch di méi gewonne Sätz géint den Préizerdaul II séchert sech eis zweet Equipe di 1te Plaz mat 8 Punkten an der Tabell.

Um Enn kommen mir nach zu eiser drëtter Equipe. Si waren zu Gilsdref ugetrueden. Ugefaangen gouf géint Wëntger II. Den Géigner war kloer méi staark klasséiert an sou setzt et eng 0-6 Néierlag.
Am zweeten Match géint Noumer II hat eis Equipe sech dann een 3-3 Gläichspill erspillt.
Zum Schluss konnten si sech nach eng Victoire sécheren. Géint Gilsdref/Veianen II gewannen si mat 4-1.

An der Tabell klasséiert sech eis drëtt Equipe domat als 3ten mat 6 Punkten.

Den nächsten Samschdeg, den 18. Mee, geet et mam zweeten Tour vum Jeuneschampionnat weider. Den Spillplang wäert dann am Laf vun der nächster Woch publizéiert ginn.

Kommentéier dësen Artikel

Deng E-Mail-Adress gëtt net publizéiert. Néideg Felder sinn mat * markéiert.