Op dësem Samschdeg, den 18. Mee, hat den zweeten Tour vum Jeuneschampionnat stattfonnt.

Den éischten Match war eis éischt Equipe direkt op d’Lokalequipe Gilsdref/Veianen getraff. Si haten dem Géigner guer keng Chance gelooss an wannen mat 6-0.
Weider goung et géint Wëntger II. Och do gouf et een positiivt Resultat an der Form vun engem 3-3 Gläichspill.
Den leschten Match gouf et eng batter Defaite ze verzeechnen. Dräi knapp Eenzelen goufen leider am 5ten Saz verluer an sou stoung et um Enn 2-4.

Mat 6 Punkten placéiert sech eis éischt Equipe als 3ten an der Tabell.

Zu Miersch war eis zweet Equipe och direkt géint d’Lokalequipe ugetrueden. Véier knapp gewonnen Eenzel am 5ten Saz ginn duer fir sech mat 4-2 géint Recken III ze behaapten.
Den zweeten Match war dann een 3-3 Gläichspill géint Buerglënster II erausgesprongen.
Duerch Zeréckzéien vum Préizerdaul II haten si keen weideren Match méi an konnten sech nees op den Heemwee maachen.

An der Tabell beleet eis zweet Equipe nees di 1te Plaz dës Kéier mat 5 Punkten.

Doheem an eegener Hal war eis drëtt Equipe am Asaz. Den Optaktmatch haten si géint Schandel gespillt. Duerch den kloer méi staark klasséierten Géigner ënnerleien si mat 0-6.
Duerno géint Noumer II, déi nëmmen mat zwee Spiller gespillt haten, setzen si sech dann kloer mat 6-0 duerch.
Um Enn konnt eis Equipe eng weider Victoire afueren. Géint Gilsdref/Veianen II gewannen si mat 4-2.

Eis drëtt Equipe séchert sech di 2te Plaz mat 7 Punkten an der Tabell.

Gratulatioun un eis Jugendspiller fir e gudden Saisonsofschloss an domat ass den Championnat fir dës Saison och eriwwer. Op dëser Plaz e groussen Merci un all déi Léit, di sech ëm d’Jugend gekëmmert haten an op d’Matcher gefuer waren.

Kommentéier dësen Artikel

Deng E-Mail-Adress gëtt net publizéiert. Néideg Felder sinn mat * markéiert.